धनकुटाका २ बिद्यालयले पाए उत्कृष्ट बाल क्लव पुरस्कार
धनकुटा । धनकुटाको त्रिवेणी मा.बि. र श्रीमान् टंक मा.बि.का बाल कल्व धनकुटा नगरपालिकाका उत्कृष्ट बाल कल्वबाट पुरस्कृत भएका छन् ।
सामुदायिक विकास मन्च ईलाम र धनकुटाले नगरका ५ बिद्यालयमा आयोजना गरेको बाल अधिकार तथा शान्ति शिक्षा परियोजना अन्तर्गत उक्त क्लवहरु उत्कृष्ट भएका हुन् ।
२०७२ सालबाट सन्चालन भएको यस परियोजनाबाट त्रिवेणी मा.बि.का त्रिवेणी बाल क्लव र टंक मा.बि.का मधुगंगा बाल क्लव पुरस्कृत भएका हुन् ।
पुरस्कृत त्रिवेणी मा.बि.बाल क्लवका अध्यक्ष कृति खड्का र मधुगंगा बाल क्लवका अध्यक्ष ममता मगरलाई कार्यक्रममा सम्मान–पत्र र नगद रु ५ हजारले सम्मान गरिएको छ ।
पुस्कृत बिद्यालय तथा बिद्यार्थीहरुलाई जिल्ला समन्वय समितिका सभापति टंक चौहान र धनकुटा नगरपालिकाका उप–मेयर सकुन्तला बस्नेतले नगद तथा सम्मान प्रदान गर्नुभएको थियो ।
सामुदायिक विकास मन्च धनकुटाका सचिव टिका राईको अध्यक्षतामा सम्पन्न भएको कार्यक्रममा कार्यक्रम संयोजक सावित्रा राईले परियोजनाले गरेको गरेका कार्यक्रमको बारेमा जानकारी दिनुभएको थियो ।
परियोजनाले धनुटा नगरपालिकाका त्रिवेणी मा.बि,देउराली मा.बि,देउराली आधारभूत बिद्यालय,टंक मा.बि.भीरगाउँ,सल्लेरी आधारभूत बिद्यालय कर्मिटारमा परियोजना सन्चालन गरेको थियो ।
