धनकुटाका २३ पसल कारवाहीमा !, २५ हजार बराबरको अखाद्य बस्तु जफत गरी नष्ट गरियो
धनकुटा खबर । आउँदै गरेको बिजया दशमी तथा तिहारलाई लक्षित गरेर धनकुटा नगरपालिकाले शनिबार मासु,किराना,कपडा,होटल लगाएत २३ वटा पसलहरुमा अनुगमन गरेको छ ।
निरिक्षणका क्रममा टोलीले १५ हजार बरावरको ५० केजी माछा सहित २५ हजार बरावरको मिति नाघेका बस्तु जफत गरी नष्ट गरिएको छ ।
धनकुटा नगरपालिका वडा नं.५, ६ र ७ नं. वडाका ११ किराना, ५ कपडा, ४ मासु पसल र एक–एक वटा होटल, हार्डवेयर र कोल्डड्रिङ पसल अनसगमन गरिएको छ ।
अनुगमनका क्रममा ब्यबसाय दर्ता तथा नविकरण नगरिएको, मूल्य सूची नराखिएको, उपभोग मिति नाघेका बस्तु राखिएको पाईएको थियो ।
अहिलेलाई सुधार गर्ने अवसर दिएर ब्यबसायीहरुलाई छाडिए पनि अबका दिनहरुमा मासिक रुपमा अनुगमन गरेर आवश्यक कारवाही गरिने नगरपालिकाका उपमेयर सकुन्तला बस्नेतले जानकारी दिनुभएको छ ।
अनुगमनमा जिल्ला प्रशासन कार्यालय धनकुटा,उद्योग बाणिजय संघ धनकुटा,उपभोक्ता हकहित मन्च धनकुटा,धनकुटा बजार ब्यबस्थापन समिति, कर कार्यालय धनकुटा, निल्ला प्रहरी कार्यालय धनकुटा, नेपाल पत्रकार महासंघ धनकुटाका प्रतिनिधिहरुको उपस्थिति रहेको थियो ।
