छुटेको कर दातालाई मसान्त सम्म मौका !
धनकुटा खबर । करदाता सेवा कार्यालय धनकुटाले कर तिर्न छुटेका उद्यमी तथा संघ-संस्थाहरुलाई पौष मसान्त भित्र कर तिरेर कर मुक्त हुन अनुरोध गरेको छ ।
सातौ कर दिवसको अबसरमा उद्योग बाणिजय संघ धनकुटाको आयोजनामा गरिएको प्रभातफेरी पछि आयोजना भएको कार्यक्रममा उक्त जानकारी दिईएको हो ।
कार्यक्रममा कर कार्यालयका प्रमुख राजेश्वर शर्माले बिषेश कारणले यस भन्दा अघि कर तिर्न छुटेका ब्यक्ति तथा संस्थाहरुलाई सरकारले दिएको यो मौकाको लाभ उठाउन अनुरोध गर्नुभयो ।
कार्यक्रममा संघका अध्यक्ष उमेश घिमिरेले ‘करः समृद्ध नेपाल, शुखी नेपालीको भर’ भन्ने नाराका साथ कर कार्यालयको सहकार्यमा सताहव्यापी कार्यक्रम गरिने जानकारी दिनुभयो ।
कार्यक्रममा उद्योग बाणिजय संघ धनकुटाकी उपाध्यक्ष तारा तितुङ्ग, निर्माण ब्यबसायी संघका केन्द्रिय सदस्य यज्ञप्रसाद खतिवडा लगाएत ब्यबसायीहरु उपस्थिति रहेको थियो ।
