अरुण कृषी सहकारीको नवौं वार्षिक साधारण सभा सम्पन्न
धनकुटा खबर । अरुण कृषी सहकारी संस्था पाख्रीवास १० चुङमाङको ९ औ वार्षिक साधारण सभा आज सम्पन्न भएको छ ।
संस्थाका अध्यक्ष गजेन्द्र राना मगरको अध्यक्षता तथा पाख्रीवास नगरपालिका १० नं वडाध्यक्ष हरी वहादुर खत्रीको प्रमुख आतिथ्यमा सञ्चालित साधारण सभामा लेखा संयोजक रमेश कुमार राईले आर्थिक वर्ष २०७४र७५ को ५ लाख ३९ हजार ६ सय ९ रुपयाँ वरावरको आर्थिक आयव्यय प्रस्तुत गर्नुभएको छ ।
साधारणसभाको अवसरमा सहकारीका दुईजना जेष्ठ शेयर सदस्य खड्ग वहादुर ठाडा मगर र रमादेवि पौडेललाई नगद सहित सम्मान गरिएको छ । कार्यक्रममा प्रमुख अतिथि खत्रीले सहकारीको शेयर संख्या वृद्धी गर्नुपर्ने,पूँजी वृद्धीका लागि शेयर संख्या वृद्धी गर्नुपर्ने, शेयर सदस्यहरुवाट सहकारीमा विशेष सक्रियताका साथ काम हुनुपर्ने वताउनुभएको छ ।
सहकारीले शेयर सदस्यहरुको हकहितमा ध्यान दिनुपर्ने र समान शेयर वितरण हुनुपर्ने भन्दै सहकारीका लागि वडावाट सहयोग गर्ने नगरपालिकामा पहल गर्न तयार रहेको वताउनुभयो । कार्यक्रममा राष्टिय सहकारी बैंकका प्रमुख सिद्धि कुमार श्रेष्ठ,लिसिम्वु कृषी सहकारी संस्थाका अध्यक्ष ख्यामराज घिसिङ,सहकारीका शिक्षा समिति संयोजक कृष्ण प्रसाद लुईटेल लगायतकाले मन्तव्य राखेका थिए ।
स्वागत मन्तव्य संस्थाका सदस्य जय वहादुर योञ्जनले राख्नुभएको थियो । सञ्चालन सदस्य कृष्ण प्रसाद कट्टेलले गर्नुभएको थियो । शहकारीका अध्यक्ष मगरले संस्थाको अहिले सम्मको गतिविधि प्रस्तुत गर्नुभएको थियो ।
