ट्राफिक प्रहरी धनकुटाले सडकमै गर्यो १ सय ४ जनाको स्वाथ्य जाँच (फोटो फिचर सहित)
धनकुटा खबर । सडक दुर्घटना न्यूनिकरणका लागि ट्राफिक प्रहरी धनकुटाद्वारा आइतवार सडकमै सवारी साधनको अवस्था जाँच र चालक र सहचालक गरि १ सय ४ जनाको आँखा र रक्तचाप जाँच गरिएको छ ।
सवारिको चाप बढेसँगै दुर्घटनाको जोखिम र क्षति बढ्दै गएकाले ट्राफिक प्रहरी धनकुटाले सदरमुकामको जिरोप्वाइन्टमा समुदाय प्रहरी साझेदारी अन्तर्गत डा.रामप्रसाद पोखरेल आँखा अस्पतालको सहयोगमा सवारी चालक र सहचालकको आँखा र रक्तचाप जाँच गरेको हो ।
मेकानिकल इन्जिनियरको सहयोगमा कोशी राजमार्गको धरान धनकुटा खण्डमा संचालित सार्वजनिक सवारीको कण्डिसन जाँच र स्वाथ्य जाँच जिल्ला ट्राफिक प्रहरी कार्यलय धनकुटा ट्राफिक प्रहरी सहायक निरिक्षक सुरेन्द्र खड्का जानकारी दिए ।
फोटो: विकास घिमिरे / धनकुटा खबर
