ट्राफिक प्रहरी धनकुटाद्वारा ३० लाख राजश्व संकलन
धनकुटा खबर । जिल्ला ट्राफिक प्रहरी कार्यलय धनकुटाले यस आर्थिक बर्षको पौष मसान्त सम्ममा करिब ३० लाख रुपैयाँ राजश्व संकलन गरेको छ ।
चालकले सवारी नियम पालना नगरी चलाएका यातायत साधन, लाइसेन्स नभई यातायात चलाउने सवारी चालक लगायतका शिर्षकबाट यो राजश्व संकलन भएको जिल्ला ट्राफिक प्रहरी कार्यलयट्राफिक प्रहरी सहायक निरिक्षक सुरेन्द्र खड्काले जानकारी दिए ।
साथै चालु आर्थिक बर्षको यो अबधिमा धनकुटामा भएका १८ सडक दुर्घटनामा ७ जनाको ज्यान गएको छ भने ७० जना घाइते भएका छन् भने यस आर्थिक बर्षमा ५ हजार ३ सय ३० सवारी साधन लाई गरीएको कारबाही कार्यालयले जनाएको छ ।
ट्राफिक प्रहरीले सवारी चालक लक्षित नियमित सचेतना कार्यक्रमका साथै माघ १ गतेबाट चालक र सहचालकका लागि “डे«स कोड” को ब्यबस्था समेत गरेको छ ।
