धनकुटाको पाख्रीवासमा निःशूल्क आँखा शिविर : आज १ सय ८८ जनाले नाम दर्ता गराए
धनकुटा खबर । धनकुटाको पाख्रीवासमा सञ्चालन हुने निःशूल्क आँखा शिविरमा सेवा लिनका लागि आज १ सय ८८ जनाले नाम दर्ता गराएका छन् ।
भोलि र पर्सि हुने शिविरका लागि आज विहान ७ वजे देखी साँझ ६ वजे सम्म नाम दर्ताका लागि ४ नं वडा कार्यलय खुल्ला गरिएको थियो । यही क्रममा उल्लेखित संख्याका सर्वसाधारणले नाम दर्ता गराएको ४ नं वडा कार्यलयले जनाएको छ ।
शिविरमा आँखा अप्रेशनका लागि लालीगुरास नगरपालिका तेह्रथुमवाट १५ जना,छथर जोरपाटी गाउँपालिका धनकुटावाट १४ जना,शहिदभूमि गाउँपालिकावाट १३ जना र धनकुटा नगरपालिका वाट यो खवर तयार पारिञ्जेलको समय सम्म ५ जना आँखाका विरामी पाख्रीवास पुगेको पाख्रीवास नगरकार्यपालिका शिविर व्यवस्थापन समितिका संयोजक तथा ४ नं वडाध्यक्ष शोवित निरौलाले जानकारी दिनुभयो ।
आँखाका विरामीहरुलाई सहयोग पुर्याउने लक्षका साथ तिलगंगा आँखा प्रतिष्ठान काठमाण्डौ,पाख्रीवास नगरपालिका,उद्योग वाणीज्यसंघ धनकुटा र नेपाल रेडक्रस शोसाईटी जिल्ला शाखा धनकुटाको संयुक्त आयोजनामा भोलि विहान १० वजे देखी जालपादेवी माद्यमिक विद्यालयमा शिविर सञ्चालन हुन लागेको हो ।
