जनप्रगति सहकारी हिले धनकुटाको वार्षिक आय व्यय प्रस्तुत
धनकुटा खबर । जनप्रगति बचत तथा ऋण सहकारी संस्था धनकुटा १ हिलेको ९ औ वार्षिक साधरण सभा आज सम्पन्न भएको छ । संस्थाको ८ लाख ८६ हजार बराबरको वार्षिक आय व्यय प्रस्तुत गर्दै साधारण सभा सम्पन्न भएको हो ।
धनकुटा नगरपालीका १ नं वडाध्यक्ष निरेन तमाङको प्रमुख आतिथ्यमा सम्पन्न साधारण सभामा सहकारीका अध्यक्ष हर्क प्रसाद लिम्बुले सहकारीको वार्षिक प्रतिवेदन प्रस्तुत भएको हो । साधारणसभामा सहकारीका संस्थापक अध्यक्ष खगेन्द्र कुमार विष्ट , नियमित बचत कर्ता प्रमोद पण्डित र समय मै कर्जा बुझाउने प्रमोद राईलाई सम्मान पत्र तथा उपहार दिदै सम्मान गरेको छ ।
कार्यक्रमका प्रमुख अतिथि धनकुटा नगरपालीका १ हिलेका वडाध्यक्ष तमाङले कार्यक्रममा बोदै देशको शासन बदलिएको र सहकारी नियमावली पनि बनीसकेकाले नियम अनुसार सहकारीहरुले काम गर्नु पर्ने बताउनु भयो । उहाँले सहकारीलाई आवश्यक सहयोग गर्न वडा कार्यलय तयार रहेको पनि वताउनुभयो ।
त्यस्तै कार्यक्रमका विशिष्ट अतिथि जिल्ला सहकारी संघ धनकुटाका अध्यक्ष सुन्दर बाबु श्रेष्ठले कार्यक्रममा स्थानीय सरकारले सहकारी विदहरु संग छलफल गरेर बजेट विनियोजन गर्न पर्ने भन्दै सहकारीको उत्थान र विकासका लागि बजेट विनियोजन गर्न आवश्यक रहेको औल्याउनु भयो ।
