धनकुटाका ७ सय ७२ जना किसानलाई प्रतिफलमा आधारित प्रोत्साहन अनुदान वितरण
धनकुटा खबर । प्रधानमन्त्री कृषि आधुनिकिकरण परियोजना जोन कार्यान्वय ईकाई सिधुवा धनकुटाले जोनमा आवद्ध ५६ वटा कृषक समुहका ७ सय ७२ जना किसानहरुको लागी ९ लाख, ८० हजार रुपयाँ प्रतिफलमा आधारित प्रोत्साहन अनुदान वितरण गरेको छ ।
जोन कार्यान्वयन ईकाई सिधुवा धनकुटाले महालक्ष्मी नगरपालिका वडा नं.८ र ९ नम्वर वडामा रहेका विभिन्न समुहमा आवद्ध २ सय ६२ जना किसानलाई ३ लाख, १० हजार, २ सय, ७५ रुपयाँ हस्तान्तराण गरिएको छ । त्यसैगरी छथरजोरपाटी गाउँपालिका वडा नं.६ का १ सय ४७ जना किसानलाई १ लाख, ९४ हजार, ६ सय रुपयाँ वितरण गरेको छ ।
त्यसैगरी छथरजोरपाटी गाउँपालिका वडा नं.५ मा रहेका १ सय ६० जना किसानका लागी २ लाख, १७ हजार र वडा नं.२ को २ सय २ किसानका लागी २ लाख, ५६ हजार, ७ सय २५ रुपयाँ अनुदान रकम वितरण गरिएको छ । त्यसैगरी वडा नं.३ का १ घरलाई १४ सय रुपयाँ अनुदान रकम छथरजोरपाटी गाउँपालिकाका अध्यक्ष शेरवहादुर लिम्वुले प्रदान गरेका हुन् ।
कृषक समुहमा आवद्ध किसानहरुलाई केराउ बालीमा प्रात्साहित हुने गरी प्रति रोपनी ३ सय ५० रुपयाँको दरले कुल आफ्नो उत्पादनमा १०.५ प्रतिसत उत्पादन वृद्धि गर्ने कृषकहरुलाई प्रतिफलमा आधारित प्रोत्साहन अनुदान प्रदान गरिएको जोन कार्यालयका प्रमुख देवेन्द्र साहूले वताए । प्रोत्साहन अनुदान वितरण कार्यक्रममा बोल्दै छथरजोरपाटी गाउँपालिकाका अध्यक्ष शेरवहादुर लिम्वुले लकडाउनको कारण घाटा खाएका किसानहरुको लागी प्रदेश सरकार र स्थानिय सरकारले सहयोग गर्ने प्रयत्न गरेको बताए ।
जोन संलाक समितिका अध्यक्ष मेखवहादुर खड्काको अध्यक्षतमा सम्पन्न भएको कार्यक्रमा वडा नं.६ का वडाध्यक्ष दिलवहादुर थापा, अगुवा कृषक एवं व्यावसायी मेघेन्द्र गुरुङ्ग लगायतले कार्यक्रमको प्रभावकारी कार्यान्वयनको लागी जोड दिएका थिए ।
