कृषि प्राविधिक भन्छन,- धनकुटा र तेह्रथुम जिल्लामा समेत सलह आउन सक्छ
धनकुटा खबर । अफ्रिकी मुलुकमाबाट पाकिस्तान भारत हुदै नेपाल प्रवेश गरेको सलह किरा धनकुटा र तेह्रथुम जिल्लामा समेत आउन सक्ने कृषि प्राविधिकले बताएका छन् ।
असार १६ देखि १८ गते भित्र धनकुटा र तेह्रथुम जिल्लामा सम्म सलह आउन सक्ने जानकारी प्रदेश मन्त्रालय बाट कृषि ज्ञान केन्द्र धनकुटा लाई जानकारी भए पनि अहिले सम्म यी जिल्लामा सलहको प्रकोप नदेखिएको तर सलह आउने सम्भावना र जोखिम भने अझै कायम रहेको कृषि ज्ञान केन्द्र धनकुटाका वालि संरक्षण अधिकृत सुरज खनालले जानकारी दिनु भयो ।
हावाको वहाव संगै आउने यो किरा भारतको दार्जिलिङ्ग सम्म देखिएको जानकारी आएकोले धनकुटा र तेह्रथुममा समेत आउन सक्ने भएकोले यस लाई धपाउने तयारीमा प्रदेश मन्त्रालय लागि रहेको भए पनि कृषि ज्ञान केन्द्र धनकुटाले भने प्रयाप्त पूर्व तयारीमा जुटि नसकेको अधिकृत खनालको भनाई छ ।
धुवा लगाउने, ठुलो आवजको प्रयोग गरेर यो किरा धपाउन सकिने भए पनि यो कति संख्यामा आउँछ भन्न नसकिने भएकोले यसको नियन्त्रण गर्न कठिन हुने उहाँको भनाई थियो । सलह किरा नेपालका धेरै जिल्लामा देखि सकेको छ ।
