प्रथम ढुंगे कप फुटवल प्रतियोगिता शूरु
चैत २५,धनकुटा । धनकुटाको सागुरीगढी गाउँपालिका ८ ढुङ्गेमा आजदेखी प्रथम ढुंगे कप फुटवल प्रतियोगिता शूरु भएको छ । ढुङ्गे क्लवको आयोजनामा सञ्चालित प्रतियोगिताको ८ नं वडाध्यक्ष विनय राईले उद्घाटन गर्नुभएको हो ।
खालिङ फुटवल क्लव धरान १३ र तमोर युवा क्लव वीच आज भएको उद्घाटन खेलमा ट्राईव्रेकरमा ३-४ गोल अन्तरले तमोर युवा क्लव क्वाटर फाईनलमा प्रवेश गरेको छ ।
त्यस्तै सुआहारा र धरान २० वीचको दोश्रो खेलमा २-४ गोल अन्तरले सुआहारा विजयी भएको छ र वाल खेल मैदान सागुरीगढी ८ र आहाले युवा क्लव वीचको तेश्रो खेलमा १-२ गोल अन्तरले वाल खेल मैदान सागुरीगढी ८ विजयी भएको छ ।
१८ टिमले सहभागिता जनाएको प्रतियोगिताका विजयी प्रथम समूहले नगद ५० हजार ट्रफी, मेडल र प्रमाण पत्र र दोश्रो हुने समूहले नगद ३० हजार ट्रफी, मेडल र प्रमाण पत्र पुरस्कार पाउने आयोजकले जनाएको छ ।
त्यस्तै उत्कृष्ट डिफेण्डेर, हाईस्कोर,उत्कृष्ट स्टाईकर,उत्कृष्ट गोल किपर,उत्कृष्ट खेलाडीहरुलाई नगद २,२ हजार सहित ट्रफी, मेडल र प्रमाण पत्र प्रदान गरिने क्लवका अध्यक्ष नगेन्द्र राईले जानकारी दिनुभयो ।
प्रतियोगिताको प्रायोजक जनता समाजवादी पार्टी सागुरी गढी गाउँपालिका र सहयोगि सागुरीगढी गाउँपालिका ४ र ८ रहेका छन् ।
