खानेपानीमा देखिएका समस्या समाधान गर्न माग
धनकुटा,२३ असार । नागरिक समाज धनकुटाले धनकुटा नगरपालिकाका नगर प्रमुख एवम् खानेपानी उपभोक्ता समितिका अध्यक्ष चिन्तन तामाङ्ग लाई धनकुटा नगरपालिकामा खानेपानी मा देखिएका समस्या समाधान गर्न माग गरेको जनाएको छ ।
समाजले नगर प्रमुख समक्ष शुद्ध पानीको ब्यवस्थापन गर्नु पर्ने । महङ्गो पानीको न्युनतम शुल्क घटाउनु पर्ने, धनकुटा नगरमा स्वच्छ र शुद्ध पानीको दीर्घकालीन ब्यवस्थापन गर्नु पर्ने माग राखेका छन् ।
त्यसैगरी खानेपानीको हिसाब किताब पारदर्शी गर्नु पर्ने, भ्रष्टाचार र घोटाला गर्नेलाई अनुसन्धान र खोजी गरि कार्वाही गर्नु पर्ने खानेपानी उपभोक्ताहरुको पिडालाई सम्मान गर्नु पर्ने लगायतका माग गरिएको नागरिक समाज धनकुटाका अध्यक्ष सुन्दरबाबु श्रेष्ठले जानकारी दिनु भयो ।
नागरिक समाजले राखेका मागहरु प्रति नगरप्रमुख सकारात्मक देखिनु भएको अध्यक्ष श्रेष्ठले जानकारी दिनु भयो ।
