निर्माणाधिन अपाङ्गतामैत्री शौचालय निर्माण कार्य अन्तिम चरणमा
असार २४,धनकुटा । धनकुटाको छथरजोरपाटी गाउपालिका ३ ताङखुवा स्थितको सोभित प्राथमिक विद्यालयमा अपाङ्गतामैत्री शौचालय निर्माण कार्य अन्तिम चरणमा पुगेको छ ।
राष्ट्रपति शैक्षिक सुधार कार्यक्रम अन्तरगत ७ लाख लगतमा शौचालय निर्माण गरिएको विद्यालयका प्रधानध्यापक सकुन्तला बस्नेतले बताउनु भयो ।
विघटित प्रतिनीधिसभा सांसद राजेन्द्र राईको पहलमा निर्माण भईरहेको शौचालय निर्माण कार्य अहिले ९० प्रतिशत पूरा भएको विद्यालयले जनाएको छ ।
निर्माणाधिन शौचालयको प्रतिनीधिसभा सांसद राई सहित गाउँपालिका अध्यक्ष शेर वहादुर लिम्बू , उपाध्यक्ष भिमकला श्रेष्ठ , वडा अध्यक्ष ज्ञान बहादुर लिम्बूको टोलिले अनुगमन निरिक्षण गरेको छ ।
अनुगमनको क्रममा विद्यालय व्यवस्थापन समिति र विद्यालयका शिक्षकहरूले विद्यालयलाई थप व्यवस्थित र मापदण्ड अनुसार सञ्चालनका लागि संघ तथा स्थानिय सरकार समक्ष बालउद्यान व्यवस्थापनको माग गरेका थिए । यो विद्यालयमा हाल ४० जना छात्राछात्र अध्ययनरत छन् ।
