धनकुटाको खोकुमा ७ करोड लागतमा प्राथमिक अस्पताल निर्माण हुंदै
धनकुटा,असार २८ । धनकुटाको सहिदभुमि गाउंपालिका वडा नं ४ खोकुमा ७ करोड लागतमा प्राथमिक अस्पताल निर्माण भइरहेको छ ।
निर्माण हुदै गरेको प्राथमिक अस्पताल निमार्ण कार्य ५० प्रतिशत काम सम्पन्न भएको गाउपालिकाको प्रमुख प्रशासकिय अधिकृत राजकुमार शाक्यले बताउनु भयो ।
आर्थिक वर्ष २०७७-७८ को विनियोजित बजेट ७ करोड ४५ लाख १० हजार मा सात रोपनी जग्गामा ५ बेडको खोकु प्राथामिक अस्पताल निर्माण भइरहेको गाउपालिकाले जनाएको छ ।
निर्माण भइरहेको अस्पताल भवनको संघिय सॉंसद राजेन्द्र राई , गाउंपालिका अध्यक्ष मनोज राई, गाउंपालीका प्रमुख प्रशासकिय अधिकृत राजकुमार शाक्य, जिल्ला समन्वय समिति धनकुटाका सदस्य सिब आङला लगायतले अनुगमन तथा निरिक्षण गरिएको छ ।
