धनकुटामा आज थप १९ जना कोरोना संक्रमण पुष्टि
धनकुटा । आज धनकुटामा १९ जना कोरोना संक्रमित थपिएका छन् । यो सँगै जिल्लामा कोरोना संक्रमण पुष्टि हुनेको जम्मा संख्या २ हजार ११ जना पुगेको छ ।
जिल्ला कोभिड १९ संकट व्यवस्थापन केन्द्रको आज दिउसो ३ वजे सम्मको तथ्यांक अनुसार ४६ सय ३५ जनाको पिसिआर विधिबाट परिक्षण गर्दा १ हजार १ सय १४ र २६ सय ९५ जनाको एन्टिजेन विधिबाट परिक्षण गर्दा ८ सय ९७ जनामा संक्रमण पुष्टि भएको हो ।
संक्रमित भएका मध्ये १८ सय १८ जना निको भईसकेका छन् । आज जिल्लाका ४६ जना संक्रमण मुक्त भएसँगै निको हुनेको संख्या त्यती पुगेको हो । हाल जिल्लामा १६८ जना सक्रिय संक्रमित छन् ।
ती मध्ये १४१ जना होम आईशोलेसनमा, १३ जना संस्थागत आईशोलेसनमा र १४ जना अस्पतालमा उपचाररत रहेको केन्द्रको तथ्यांक छ ।
