धनकुटामा कोरोना संक्रमण मुक्त हुनेको संख्या १८ सय ५२ पुग्यो
श्रावण १,धनकुटा । धनकुटामा कोरोना संक्रमण मुक्त हुनेको संख्या १८ सय ५२ पुगेको छ ।
आज जिल्लामा २० जना संक्रमण मुक्त भए सँगै निको हुनेको संख्या त्यती पुगेको हो । आज जिल्लामा १६ जना संक्रमित थपिए सँगै जम्मा संक्रमण पुष्टि हुनेको संख्या २ हजार ४३ जना पुगेको छ ।
जिल्ला कोभिड १९ संकट व्यवस्थापन केन्द्रको आज दिउसो ३ वजे सम्मको तथ्यांक अनुसार ४६ सय ५३ जनाको पिसिआर विधिबाट परिक्षण गर्दा ११ सय २६ र २७ सय २७ जनाको एन्टिजेन विधिबाट परिक्षण गर्दा ९ सय १७ जनामा संक्रमण पुष्टि भएको हो ।
हाल जिल्लामा १६५ जना सक्रिय संक्रमित रहेकोमा १३९ जना होम आईशोलेसनमा, १६ जना संस्थागत आईशोलेसनमा र १० जना अस्पतालमा उपचाररत रहेको केन्द्रको तथ्यांक छ ।
