धनकुटामा थप १७ जनामा संक्रमण पुष्टि
श्रावण ५,धनकुटा ।आज धनकुटाका २४ जना कोरोना मूक्त भएका छन् ।
यो सँगै जिल्लामा कोरोनालाई जित्नेको संख्या १९ सय ११ पुगेको छ । आज जिल्लाका थप १७ जनामा संक्रमण पुष्टि भएको छ । यो सँगै अहिले सम्म धनकुटामा संक्रमण पुष्टि हुनेको संख्या २ हजार ९३ पुगेको छ ।
४ हजार ६ सय ८६ जनाको पिसिआर विधिबाट परिक्षण गर्दा १ हजार १ सय ४५ र २ हजार ८ सय २ जनाको एन्टिजेन विधिबाट परिक्षण गर्दा ९ सय ४८ जनामा संक्रमण पुष्टि भएको जिल्ला कोभिड- १९ संकट व्यवस्थापन केन्द्रको तथ्यांक छ ।
हाल जिल्लामा १ सय ५६ सक्रिय संक्रमित रहेकोमा १ सय ३७ जना होम आईशोलेसनमा,१२ जना संस्थागत आईशोलेसनमा र ७ जना अस्पतालमा उपचाररत छन् ।
