धनकुटामा अहिले सम्म ७५ प्रतिशत धान रोपाई
श्रावण १२,धनकुटा । यो वर्ष श्रावण महिनाको झण्डै दोश्रो साता वित्न लाग्दा धनकुटामा अहिले सम्म ७५ प्रतिशत धान रोपाई भएको छ । जिल्लाको कूल धान खेती हुने स्थान मध्ये श्रावण ११ सम्म ७५ प्रतिशत रोपाई सकिएको कृषी ज्ञान केन्द्र धनकुटाले जनाएको छ ।
यो वर्ष समयमै वर्षात हुनु तथा मलखादको त्यती समस्या नहुनेले गत वर्षको तुलनामा यो वर्ष केही छिटो धान रोपाई भएको जनाईएको छ । त्यस्तै तेह्रथुम जिल्लामा अहिले सम्म ८५ प्रतिशत रोपाई सकिएको केन्द्रले जनाएको छ ।
धनकुटामा आज थप ३६ जनामा कोरोना संक्रमण पुष्टि
धनकुटा । आज धनकुटाका थप ३६ जनामा कोरोना संक्रमण पुष्टि भएको छ । यो सँगै अहिलेसम्म जिल्लामा कोरोना संक्रमण पुष्टि हुनेको जम्मा संख्या २ हजार २ सय ५७ पुगेको छ ।
जिल्ला कोभिड १९ संकट व्यवस्थापन केन्द्रको आज सम्मको तथ्यांक अनुसार संक्रमित भएका मध्ये २ हजार ४५ जना निको भईसकेका छन् । आज जिल्लाका १५ जना संक्रमण मुक्त भएसँगै निको हुनेको संख्या त्यती पुगेको हो । हाल जिल्लामा १८६ जना सक्रिय संक्रमित रहेकोमा १५४ जना होम आईशोलेसनमा, १९ जना संस्थागत आईशोलेसनमा र १३ जना अस्पतालमा उपचाररत रहेको केन्द्रको तथ्यांक छ ।
साथै यसै जिल्लामा संक्रमित भई यसै जिल्लामा मृ त्यू हुनेको संख्या १० रहेको छ भने यस जिल्लामा संक्रमित भई उपचारको क्रममा बाह्य जिल्लामा मृ त्यू हुनेको संख्या १७ रहेको जनाइएको छ । यस जिल्लामा स्थाई ठेगाना भएका र अन्य जिल्लामा संक्रमित भई मृ त्यू हुनेको संख्या १० रहेको समेत प्रशासनले जनाएको छ ।
