जयसिहं धामीको घटनामा अनेरास्ववियु धनकुटाको ध्यानाकर्षण
श्रावण १८,धनकुटा । अनेरास्ववियु जिल्ला कमिटी धनकुटाले एक प्रेस विज्ञप्ति जारी गर्दै दार्चुला जिल्लाको विषयमा नेपाल भारत सिमा महाकाली नदीमा रहेको तुईन तर्ने क्रममा भारतीय सिमा सूरक्षा बल एसएसबीले तुइनको तार काटिदिंदा महाकाली नदीमा खसेर बेपत्ता भएका नेपाली नागरिक जयसिहं धामीको घटनामा संलग्न भारतीय पक्षलाई तत्काल कारवाही गरि क्षतिपूर्ति भराउन माग राख्दै ध्यानाकर्षण गराएको छ ।
भारतीय सीमा सूरक्षा बलबाट भएको उक्त अमानवीय निर्दयी , अपाराधिक एवम् हेपाहा प्रवृत्तिको गतिविधि तथा कार्यप्रति अनेरास्ववियु जिल्ला कमिटी धनकुटा घोर भत्सर्ना गर्दछ´´अनेरास्ववियु जिल्ला कमिटी धनकुटाका संयोजक बसन्त राई द्वारा हस्ताक्षरित विज्ञप्तिमा भनिएको छ ।
