शुरु भयो पाख्रिबासमा ब्यबसायीक कफी खेती,संघिय सॉंसद राईले यसरी गरे उद्घाटन
नारायण कुमार राई/धनकुटा २३,साउन । धनकुटाका एक स्थानिय तह एक उत्पादनलाई जोड दिने क्रममा पाख्रिबास नगरपालिका धनकुटाले ब्यवसायिक कफी खेती शुरु गरेको छ ।
नगरले शुक्रबार एक उत्घाटन कार्यक्रमको आयोजना गरेर नगरमा बृहत कफी खेती शुरु गरेको छ । पालिकाका उप–मेयर देवकला पौडेल(तिम्सिना) को अध्यक्षतामा भएको कार्यक्रममा संघिय सांसद राजेन्द्र कुमार राईले गमलामा रोपिएका कफीको बिरुवामा पानी हालेर कफी खेतीको शुभारम्भ गर्नुभएको छ ।
कफी खेतीको उत्घाटन गर्दै राईले कफी खेतीको बृहत बिकासको लागि वडाका सबै १० वडाका जनप्रतिनीधिहरुले समेत कफी खेती गर्न जोड दिनुभयो । उहाँले कफी खेतीको बजारको जिम्मा नगरले लिनुपर्नेमा समेत जोड दिनुभएको छ ।
कार्यक्रममा नगरपालिमा कफी खेतीका योजनाकार तथा कृषि अभियन्ता साथै टेखिमे कृषि परामर्श केन्द्रका संचालक जीवन प्रसाद राईले कफी खेती र नगरले कफी खेतीका लागि गरेको कार्यक्रमको जानकारी दिनुभयो । खेतीका लागि नगरको लगानीमा ५ लाख बिरुवा तयारी रहेको कार्यक्रममा जानकारी दिईएको छ ।
सबै वडाहरुमा सम्भाव्यता अध्ययन गरी आम समुदायमा खफी खेती बिस्तार गर्न लागेको नगर आफैंले पनि ५० रोपनीमा नमुना कफी खेतीको कार्यक्रम समेत शुरु गरेको छ ।
कार्यक्रममा महालक्ष्मी नगरपालिकाका मेयर पर्शुराम नेपाल,जिल्ला समन्वय समिति धनकुटाका प्रमुख टंक चौहान,नेपाल पत्रकार महासंघ धनकुटाका अध्यक्ष नगेन्द्र राई लगाएतले कफी खेतीको शुभकामना दिनुभएको थियो ।
नपा वडा नं ८ का अध्यक्ष सिताराम राईले संचालन गर्नु भएको कार्यक्रममा नगरका प्रमुख प्रशासकीय अधिकृत डिक बहादुर राईले स्वागत मन्तब्य राख्नु भएको थियो ।
