कांग्रेसले धनकुटाको विभिन्न पालिकामा वृहत कार्यक्रम गर्ने
धनकुटा । स्थानिय तह निर्वाचनलाई लक्षित गर्दै नेपाली कांग्रेसले धनकुटाको विभिन्न पालिकामा वृहत कार्यक्रम गर्ने तयारी गरेको छ । ती कार्यक्रमहरुलाई पूर्वमन्त्री तथा पार्टीका केन्द्रिय सदस्य सुनिल बहादुर थापाले सम्बोधन गर्नुहुने नेपाली कांग्रेस जिल्ला कमिटीले जनाएको छ ।
घर घरमा जाऊँ कांग्रेसलाई जिताऔ भन्ने मूल नाराका साथ पूर्व मन्त्री तथा कांग्रेस केन्द्रिय सदस्य थापाले चौविसेको राजारानीबाट कार्यक्रम शुरु गर्ने तयारी गरिएको छ । त्यसपछि सागुरीगढी हुदै सहिदभूमीमा पुगेर कार्यक्रम अन्त्य गर्ने योजना रहेको पार्टीका जिल्ला सचिव तथा कार्यक्रम शाखा प्रमुख विजय सन्तोषी राईले वताउनु भयो । सोही अनुसार दुई हप्ता सम्म केन्द्रिय सदस्य थापा जिल्लाको प्रदेश सभा निर्वाचन क्षेत्र (क) को विभिन्न पालिकाले आयोजना गरेको कार्यक्रममा सहभागी हुने क्षेत्रिय सभापती जितेन्द्र राईले जानकारी दिनुभयो ।
कार्यक्रमहरु
१. फाल्गुण २१ गते चौविसे गाउपालिका स्तरीय कार्यक्रम राजारानी बजारमा,
२. फाल्गुण २४ गते सागुरीगढीको वडा नं ९ र १० को आहालेको चादनी बजारमा,
३. फाल्गुण २५ गते सागुरीगढी वडा नं ७ र ८ को महाभारतको खुडीमा
४. फाल्गुण २६ गते चौविसे वडा नं १,२,३ र ४ को खुवाफोको मादेन चौक
५. फाल्गुण २७ गते सागुरीगढी ५ र ६ को भेडेटारको थुम्की
६. फाल्गुण २८ गते सहिदभूमी गाउपालिकाको ७ को साप्तीङ्गटार र वडा नं १ मा
७. फाल्गुण २९ गते विहान सहिदभूमी गाउपालिका वडा नं २ र ३ छिन्ताङ्ग र दिउसो पिप्लेमा
८. फाल्गुण ३० गते सहिदभूमी गाउपालिकाको ६ को भेटघाट सहित वडा नं ४ र ५ को साततले
यी पालिकाहरुमा हुने कार्यक्रम सकिएपछि छथरजोरपाटी गाउपालिका, महालक्ष्मी नगरपालिका र धनकुटा नगरपालिकामा कार्यक्रममा गरिने जनाईएको छ ।
