नेकपा एमाले पाख्रीवास नगर कमिटी धनकुटाको नगरस्तरीय कार्यकर्ता भेला तथा सम्मान कार्यक्रम सम्पन्न
धनकुटा । धनकुटाको पाख्रीबासमा नेपाल कम्युनिष्ट पार्टी(एमाले)नगर कमिटी पाख्रीवासको आयोजनामा नगरस्तरीय कार्यकर्ता भेला तथा जिल्ला कमिटी पदाधिकारी र सदस्यहरुलाई सम्मान कार्यक्रम सम्पन्न भएको छ ।
संघिय सांसद, नेकपा एमाले केन्द्रिय सदस्य तथा धनकुटा इन्चार्ज राजेन्द्र कुमार राईको प्रमुख आतिथ्यमा सम्पन्न कार्यक्रममा केन्द्रिय सदस्य विनादेवी राई,शकुन्तला बस्नेत,जिल्ला अध्यक्ष तथा प्रदेश सांसद इन्द्रमणि पराजुली,पूर्व माननिय तथा प्रदेश १ उपाध्यक्ष टीकाराम चेम्जोंग,प्रदेश १ सल्लाहकार खिम कुंवर,धनकुटा नपा प्रमुख चिन्तन तामांग,जिल्ला कमिटी सदस्य तथा निर्वाचन क्षेत्र नं २ का संयोजक भीम राई ,पाख्रीबास नपा प्रमुख बृख बहादुर राई,उपप्रमुख देवकला पौडेल लगायतका अतिथिहरुको उपस्थितिमा कार्यक्रम सम्पन्न भएको हो ।
कार्यक्रममा बोल्दै अध्यक्ष पराजुलीले अहिले गठबन्धनको नाममा प्रतिक्रियावादीहरु केन्द्र देखि गाउं सम्म अगाडि बढ्दै गरेको बताउनु भयो । हामी निर्णायक घडीमा पार्टीलाई जनतामाझ लिएर जांदैछौ तर सिद्दान्त कुन चरीको नाम हो थाहा नभएको कांग्रेससंग आत्तिनु पर्ने कुनै अवस्था नभएको बताउनु भयो ।
कार्यक्रममा राप्रपा र माओवादी पार्टी परित्याग गर्दै ४ जना एमालेमा प्रबेश गरेका थिए । नवप्रबेशीहरुलाई सांसद राई र अध्यक्ष पराजुलीले स्वागत गर्दै बधाई-शुभकामना दिएका थिए ।
नगर कमिटी अध्यक्ष शान्तिराम गौतमको अध्यक्षतामा सम्पन्न कार्यक्रममा स्वागत मन्तब्य नगर इन्चार्ज नेत्र भण्डारी र संचालन नगर कमिटी सचिव तथा वडा नं ८ का अध्यक्ष सिताराम राईले गर्नु भएको थियो ।
