‘तीन स्थानिय तहमा एमाले माओवादी गठबन्धन’
नारायण कुमार राई/धनकुटा,१२ चैत्र । धनकुटाका ३ स्थानिय तहहरुमा एमाले संग चुनावी गठबन्धनको लागि माओावादीको प्रस्ताव आएको नेकपा एमाले धनकुटाले बताएको छ ।
शनिबार पाटीले आयोजना गरेको पत्रकार सम्मेलनलाई सम्बोधन गर्दै एमालेका केन्द्रिय सदस्य राजे्रन्द्र कुमार राईले पत्रकारहरुलाई यस्तो जानकारी दिनुभएको हो ।
राईले धनकुटाको सहिदभूमि गाउँपालिका,छथरजोरपाटी गाउँपालिका र चौबिसे गाउँपालिकामा चुनावी तालमेलको लागि प्रस्ताव आएको जानकारी दिनुभएको छ ।
यस सन्दर्भमा जिल्ला अध्यक्ष ईन्द्रमणी पराजुलीले पनि‘आफूहरु रुखमा भोट नहाल्ने बताउँदै सकिन्छ भने मिलाउनुस्’ भनेर माओवादीको प्रस्ताव आएको जानकारी दिनुभयो ।
सम्भव भए एमाले माओवादी गठबन्धन गर्ने,नसके एमाले प्रवेश गरेर चुनाव लड्ने माओवादीका नेताहरुको प्रस्ताव समेत आएकाले उक्त बिषयमा पाटी भित्र छलफल भईरहेको पराजुलीले जानकारी दिनुभयो ।
‘हाम्रा पाटी भित्र पनि धेरै नेता तथा कार्यकर्ताहरुलाई ब्यबस्थापन गर्नुपर्ने भएकाले हामी माओवादीहरुको उक्त प्रस्तावमा छलफल गरिरहेका छौ ।’–पराजुलीले भन्नुभयो ।
कार्यक्रममा केद्रिय सदस्य राई र पराजुलीले रातो किताबमा प्रकाशन भईसकेको धनकुटाको १० अर्ब बिकास बजेट मध्ये ६ देखि ७ अर्ब गठबन्धन सरकारले कटौती गरेको प्रति आलोचना गर्नुभयो ।
जनताको बिकास बजेट कटौति गरेर गठबन्धनलाई जनता सामु भोट माग्न जाने अधिकार नभएको उहाँहरुको भनाईरहेको थियो ।कपत्रकार सम्मेलन मार्फत् एमालले बिज्ञप्ती जारी गरेर केहि वडा बाहेक सबै ७ स्थानिय तहमा बिजयी हांसिल गर्ने दाबी गरेको छ ।
पहिला थोरै जनताका काम गर्दा पनि ७ तह क्लिनस्वीप गरेकाले हाल जनताका लागि धेरै काम गरेकाले गठबन्धनको घेराबन्दिले कुनै असर नगर्ने एमाले नेताहरुको ठहर छ ।
कार्यक्रममा एमालेका,सचिव निरन राई,सह–सचिव शिब आङ्ला(लिम्बू) लगाएत पाटीका नेताहरु टंक चौहान,भीम राई,रामकुमारी राई(रोजा),भेषराजकट्टेल,प्रचारबिभाग प्रमुख साबित्रा राई लगाएतको उपस्थिति रहेको थियो ।
