मेरो अभिव्यक्ति धनकुटा जिल्लाका सांसदहरु प्रति लक्षित या कुनै किसिमको कुप्रयासको आसय नरहेको : थापा
धनकुटा । नेपाली कांग्रेसका केन्द्रिय सदस्य एवम् पूर्वमन्त्री सुनिल वहादुर थापाले अखिल नेपाल महिला संघ र राष्ट्रिय युवा संघ नेपालले जारी गरेको प्रेस विज्ञप्ति प्रति आफ्नो ध्यानाकर्षण भएको बताउनु भएको छ ।
उहाँले आज प्रेस वक्तव्य जारी गर्दै त्यस्तो बताउनु भएको हो । प्रेस वक्तव्यमा भनिएको छ “सर्वप्रथम त मेरो अभिव्यक्ति धनकुटा जिल्लाका सांसदहरु प्रति लक्षित या कुनै किसिमको कुप्रयासको आसय नरहेको स्पष्ट गराउन चाहन्छु ।” यस्तो मेरो अभिप्राय पटकै होईन’ म स्पष्ट गर्न चाहन्छु कि केही महिना अघि अन्य जिल्लामा भएको घटनाक्रमलाई संकेत गरिएको मात्र हो ।
मेरो अभिव्यक्तीले सांसदहरुको मान मर्यादा र भावनामा कुनै चोट पुर्याउने अभिप्राय होईन र यदि पुग्न गएको खण्डमा म दु:खीत छु ।” यसअघि धनकुटाको छथरजोरपाटी गाउँपालिका ६ मा चैत २१ गते भएको कार्यक्रमलाई सम्बोधन गर्ने क्रममा थापाले दिएको अभिव्यक्ती प्रति राष्ट्रिय युवा संघ नेपाल र अखिल नेपाल महिला संघ जिल्ला कमिटि धनकुटाले हिजो आपत्ति जनाएका थिए ।
