धनकुटाको सहिदभुमि ३ मा राष्ट्रिय युवा संघ नेपालले राईको संयोजकत्वमा २०१ सदस्यीय निर्वाचन परिचालन तथा प्रचार प्रसार समिति गठन
धनकुटा । धनकुटाको सहिदभुमि गाउँपालिका वडा नं ३ मा राष्ट्रिय युवा संघ नेपालले आज सुधिर राईको संयोजकत्वमा २०१ सदस्यीय निर्वाचन परिचालन तथा प्रचार प्रसार समिति गठन गरेको छ ।
राष्ट्रिय युवा संघ नेपाल सहिदभूमि ३ नं वडा कमिटीले बैशाख ३० गते हुने स्थानीय तह निर्वाचनलाई लक्षित गरि निर्वाचन परिचालन तथा प्रचारप्रसार समिति गठन गरेको हो ।
समितिले नेकपा एमालेको घोषणा पत्र , एजेन्डा ,भिजन , वडाको घोषणा पत्रको व्यापक प्रचारप्रसार गरि जनता माझ पुर्याउने काम गर्ने जनाईएको छ ।
नेकपा एमाले धनकुटा जिल्ला सचिवालय सदस्य एवं जिल्ला पार्टी स्कुल बिभाग प्रमुख मनोज राईको प्रमुख आतिथ्यमा सञ्चालित कार्यक्रमको बीच समिति गठन गरिएको हो ।
कार्यक्रममा पार्टीका सहिदभूमि गाउकमिटीका अध्यक्ष नीर राई , उपाध्यक्ष मातृका राई बिशेष अतिथी रहेका थिए ।
