धनकुटा नगरपालिकामा विभिन्न पार्टी परित्याग गरी दर्जनौ नेता,कार्यकर्ता नेपाली कांग्रेसमा प्रवेश
धनकुटा । धनकुटा नगरपालिकामा विभिन्न पार्टी परित्याग गरी दर्जनौ नेता कार्यकर्ता नेपाली कांग्रेसमा प्रवेश गरेका छन ।
धनकुटा नगरपालिका वडा नं १ बाट विभिन्न पार्टी परित्याग गरी दिपेन राई,राम राई,देवेन्द्र थापा लगायत ३७ जना कांग्रेसमा प्रवेश गका हुन् ।
नव प्रवेशीहरुलाई नेपाली कांग्रेस धनकुटाका जिल्ला सभापति दिनेश राई,आमन्त्रित केन्द्रिय सदस्य मनोहर नारायण श्रेष्ठ,जिल्ला सचिव तथा नगर संयोजक विजय सन्तोषी राई,नगर सभापती नरेश श्रेष्ठ,उपसभापती अमित लो तामाङ, वडा नं १ का सभापती विर वहादुर तिुङ्ग तामाङले टिका खादा अविर लगाई पार्टी प्रवेश गराएका थिए ।
नेपाली कांग्रेस धनकुटा नगर कार्य समितिका सभापति नरेश श्रेष्ठको अध्यक्षतमा सम्पन्न कार्यक्रममा स्वागत मन्तव्य उपसभापती अमित लो तामाङले राख्नुभएको थियो । कार्यक्रमको संचालन सविच राम घिसिङ्ग तामाङले गर्नु भएको थियो ।
कार्यक्रमकै अवसरमा नगर सभापति श्रेष्ठको संयोजकत्वमा निर्वाचन परिचालन समिति गठन गरिएको छ । त्यस्तै उपसभापति अभिषेक कर्माचार्यको संयोजकत्वमा यूवा परिचालन समिति,सचिव लोकेन्द्र खड्काको संयोजकत्वमा आर्थिक समिति,राजेश्वर वहादुर श्रेष्ठको संयोजकत्वमा घोषणा पत्र निर्माण समिति र सहसचिव ज्ञानेन्द्र वस्नेतको संयोजकत्वमा प्रचार प्रसार समिति गठन गरेको सचिव राईले जानकारी दिनुभयो ।
धनकुटा नगरको १० वटै वडाहरुमा र सवै टोल टोलमा नेपाली कांग्रेसको निर्वाचन प्रसार प्रसार समितिको कार्यालयको तीन दिन भित्र स्थापना गरिसक्ने जनाईएको छ ।
