स्थानिय तह निर्वाचनका लागि नेकपा एमाले धनकुटाले सात वटै पालिकामा प्रमुख र उपप्रमुखको उम्मेद्धारको लगायो टुंगो
धनकुटा । स्थानिय तह निर्वाचनका लागि नेकपा एमाले धनकुटाले जिल्लाको सात वटै पालिकामा आफ्ना प्रमुख र उपप्रमुखको उम्मेद्धारको टुंगो लगाएको छ ।
जसअनुसार धनकुटा नगरपालिका प्रमुख चिन्तन तामाङ दोहोरिनु भएको छ । त्यस्तै गाउँपालिका तर्फ शहिदभुमी गाउँपालिका, छथरजोरपाटी गाउँपालिका र सागुरीगढी गाउँपालिका अध्यक्ष क्रमश मनोज राई,शेर वहादुर लिम्बु र कुमारजंग याख्खा पनि दोहोरिएका छन् ।
त्यसैगरि धनकुटा नगरपालिकामा उप्रमुखको उपप्रमुख क्रमश: रत्नेश्वरी राई र मञ्जु कार्की पनि दोहोरिएका छन् । पाख्रीबास नगरपालिका प्रमुखमा प्रमुख र उप-प्रमुख नै नयाँ व्यक्तीलाई छनौट गरिएको छ । यो नगरमा नगर प्रमुखमा भीम राई र उप-प्रमुखमा नम्रता देउजालाई छनौट गरिएको छ ।
महालक्ष्मी नगरपालिका प्रमुखमा दीपक बुढाथोकीलाई उम्मेद्धार बनाईएको छ । त्यस्तै चौविसे गाउँपालिकामा पनि अध्यक्ष र उपाध्यक्ष नै नयाँ छनौट गरिएको छ । अध्यक्षमा राजकुमार चेम्जोङ र उपाध्यक्ष टंकमाया मगर रहेका छन् ।
साँगुरीगढी गाउँपालिका उपाध्यक्षमा मूना राई, छथर जोरपाटी गाउँपालिका उपाध्यक्षमा गोमा कार्कीको उम्मेद्धारी रहेको पार्टीका जिल्ला अध्यक्ष ईन्नद्रमणी पराजुलीले जानकारी दिनुभयो ।
