धनकुटामा आज कुन पालिकाबाट कस्ले दिए उम्मेद्वारी ! स्वतन्त्र उमेद्धवार पनि
धनकुटा,१२ बैशाख । स्थानीय तहको निर्वाचनमा धनकुटाका ७ वटै स्थानीय तहमा नेकपा एमाले,सत्ता गठबन्धन सहित अन्य दल र स्वतन्त्र उमेदबारहरुले उमेदवारी दर्ता गराएका छन् ।
जस अन्र्तगत धनकुटा नगरपालिकामा गठबन्धनको तर्फबाट नेपाली कांग्रेस धनकुटाका जिल्ला सभापति दिनेश आठपहरिया राईले प्रमुख पदमा उम्मेदवारी दर्ता गराएका छन त्यस्तै उपप्रमुखमा माओवादीका गणेश विष्टले उम्मेदवारी दर्ता गराएका छन ।
यस्तै धनकुटा नगरपालिकाको प्रमुख पदमा नगरपालिकाका निवर्तमान प्रमुख चिन्तन तामाङले नेकपा एमालेबाट प्रमुख पदमा उम्मेदवारी दिएका छन । उपप्रमुखमा एमालेले भीमादेबी खनालको उम्मेदवारी दिएको छ।
धनकुटा नगरपालिकामा जनता समाजवादी पार्टीले गोपाल लिम्बूले प्रमुखमा र सारकुमारी राईले उपप्रमुखमा उम्मेदवारी दिएका छन । राप्रपाबाट सुमिना तामाङले प्रमुखमा, राप्रपा नेपालबाट उपप्रमुखमा सुदिप सिजालीले उम्मेदवारी दिएका छन ।
यस्तै नगरपालिकामा स्वतन्त्रबाट सुन्दरबाबु श्रेष्ठले प्रमुखमा र सिताराम श्रेष्ठले उपप्रमुखमा उम्मेदवारी दिएका छन । त्यस्तै पाख्रिवास नगरपालिकामा गठबन्धनको तर्फबाट प्रमुखमा कांग्रेसका ज्ञानबहादुर गुरुङ र उपप्रमुखमा माओवादीका ओमप्रकाश निरौलाले उम्मेदवारी दिएका छन भने एमालेले भीम राईलाई प्रमुखमा र नम्रता देउजाले उपप्रमुखमा उम्मेदवार बनाएको छ ।
गठबन्धनमा कुरा नमिलेपछि नेकपा एकीकृत समाजवादीका गोपाल बराईलीले प्रमुखमा तथा सावित्रा घिमिरेले उपप्रमुखमा मनोनयन दर्ता गराएका छन । यस्तै महालक्ष्मी नगरपालिकामा गठबन्धनको तर्फबाट प्रमुखमा कांग्रेसका ध्रुवराज राया र उपमेयरमा माओवादीका प्रेम खड्का र नेकपा एकीकृत समाजवादीका खगेन्द्र सुवेदीले उपप्रमुखमा उम्मेदवारी दिएका छन भने एमालेले दीपक बुढाथोकीलाई प्रमुखमा मञ्जु कार्कीलाई उपप्रमुखको उम्मेदवार बनाएको छ ।
छथर जोरपाटी गाउँपालिकामा गठबन्धनको तर्फबाट अध्यक्षमा कांग्रेसका छत्र सुब्बा र उपाध्यक्षमा माओवादीकी गीता गुरुङ खेवाले उम्मेदवारी दिएका छन भने एमालेले शेर बहादुर लिम्बूलाई अध्यक्षमा र गोमा कार्कीलाई उपाध्यक्षको उम्मेदवार बनाएको छ।
सहिदभूमि गाउँपालिकामा गठबन्धनको तर्फबाट अध्यक्षमा माओवादीका भरतसिंह राई र उपाध्यक्षमा कांग्रेसका तोर्ण खड्काले उम्मेदवारी दिएका छन भने एमालेले मनोज राईलाई अध्यक्षमा र रत्नश्वरी लाईलाई उपाध्यक्षको उम्मेदवार बनाएको छ। गठबन्धनमा कुरा नमिलेपछि नेकपा एकीकृत समाजवादीका जेवी राईले अध्यक्षमा मनोनयन दर्ता गराएका छन ।
साँगुरीगढी गाउँपालिकामा गठबन्धनको तर्फबाट अध्यक्षमा कांग्रेशका जितेन्द्र रुम्दाली राई र उपाध्यक्षमा जनता समाजवादी पार्टीले लिलाराज लावतीलाई उपाध्यक्षमा उम्मेदवारी दिएका छन भने एमालेले कुमार जंग याखालाई अध्यक्षमा र उपाध्यक्षमा मुना राईलाई उम्मेदवार बनाएको छ। राप्रपाबाट नगेन्द्र राईले मनोनयन दर्ता गराएका छन।
चौविसे गाउँपालिकामा गठबन्धनको तर्फबाट अध्यक्षमा माओवादीका दलबहादुर मगरले र उपाध्यक्षमा जनता समाजवादीकी दिवा चेम्जोङले उम्मेदवारी दिएका छन भने एमालेले राजकुमार चेम्जोङलाई अध्यक्षमा टंकमाया मगरले उपाध्यक्षको उम्मेदवार बनाएको छ ।
