जिल्ला अस्पताल धनकुटाका आइसीयू र भेण्टिलेटर संचालनमा आउन सकेन
धनकुटा,१७ भदौ । प्रदेश–१ सरकारले बिशेषज्ञ चिकित्सक जनशक्ति ब्यबस्था नगर्दा जडान भएको दुई बर्ष सम्म पनि धनकुटा अस्पतालमा आइसीयू र भेण्टिलेटर संचालनमा आउँन सकेको छैनन् ।
धनकुटा अस्पतालमा ४ वटा भेन्टिलेटर सहितका १० आइसीयू बेड रहे पनि जनशक्ति नहुँदा संचालनमा आउँन नसकेको जिल्ला अस्पताल धनकुटाका सुचना अधिकारी राजन पोख्रेलले जानकारी दिए ।
आइसीयू र भेण्टिलेटर संचालनका लागि कम्तीमा एक÷एक जना एनेस्थेजियोलिष्ट र फिजिसियन सहित कम्तीमा ५ जना मेडिकल अधिकृत र ९ जना स्टाफनर्स आवश्यक पर्छ तर ती कुनैपनि प्राविधिक जनशक्ति धनकुटा अस्पतालमा छैनन् ।
सेवा सुरु नहुँदा गम्भीर र भेण्टिलेटर र आइसियू आवश्यक पर्ने पूर्वि पहाडी जिल्लाका बिरामीहरुलाई धरान, झापा, बिराटनगर र काठमाण्डौ सम्म पुर्याउनु पर्ने बाध्यता छ ।
