धनकुटा महोत्सव सफल बनाउन प्रदेश १ का मुख्यमन्त्री कार्की संग छलफल
धनकुटा । प्रदेश नं १ का मुख्यमन्त्री हिक्मत कार्कीसँग प्रादेशिक औद्योगिक व्यपार मेला तथा ५ औं धनकुटा महोत्सव सफल बनाउन धनकुटा उद्योग बाणिज्य संघको टोलिले छलफल गरेको छ ।
संघका पदाधिकारीहरु विराटनगर पुगेर मुख्यमन्त्री कार्कीलाई भेट गरी महोत्सवकोबारेमा छलफल गरेका हुन् । छलफलमा मुख्यमन्त्री कार्कीले धनकुटा महोत्सवले उद्योग ब्यापार र पर्यटनको प्रवद्धन गर्न सहयोग पुग्ने वताउनु भएको टोलिले जनाएको छ ।
उहाँले महोत्सव सफल वनाउन र समग्र जिल्लाकै विकास र समृद्धीका लागि प्रदेश सरकारको तर्फवाट सहयोग रहने समेत वताउनु भयो । टोलिले धनकुटाको व्यापारव्यावाय दिनप्रतिदिन खस्किदै गएको भन्दै यो अवस्थाको सुधारका लागि महोत्सव आयोजना गर्न लागिएको मुख्य मन्त्री कार्कीलाई जानकारी गराउदै जिल्लाको थप विकास र समृद्धीका लागि प्रदेश सरकारले विशेष ध्यान दिन अनुरोध गरेको छ ।
टोलिमा धनकुटा उद्योग बाणिज्य संघका अध्यक्ष विजय सन्तोषी राई,वरिष्ठ उपाध्यक्ष मन कुमारी तितुङ्ग, ,उपाध्यक्ष निर्मला श्रेष्ठ राई ,कोषाध्यक्ष रुपेश श्रेष्ठ,महालक्ष्मी नगरपालिकाका पूर्व मेयर पर्शुराज नेपाल लगायतको सहभागिता थियो ।
प्रादेशिक औद्योगिक व्यपार मेला तथा कृषि प्रर्दशनी एवं धनकुटा महोत्सवको माघ ६ गते प्रधान मन्त्री पुष्प कमल दाहाल प्रचण्डबाट समुद्घाटन गर्ने तयारी गरिएको छ भने माघ १६ गते प्रदेश मुख्य मन्त्री कार्कीको प्रमुख आथित्यमा समापन गरिने धनकुटा उद्योग बाणिज्य संघका अध्यक्ष राईले वताउनुभयो ।
