छथरजोपाटी गाउँपालिकाका अपाङ्गता भएका २ जनालाई सहायक सामाग्री हस्तान्तरण
धनकुटा,५ माघ । धनकुटाको छथरजोपाटी गाउँपालिकामा विगत बर्षहरुमा जस्तै अपाङ्गता रोकथाम तथा पुनर्स्थापना कार्यक्रम अन्तर्गत अपाङ्गता भएका २ जना लाई सहायक सामाग्री हस्तान्तरण गरिएको छ ।
करुण फाउण्डेशनको सहयोग तथा छथरजोपाटी गाउँपालिकाको संयोजनमा छथरजोपाटी गाउँपालिका वडा नं ५ की योगिता लिम्बुलाई सि.पि ह्वचियर तथा वडा नं ४ की विनिता लिम्बुलाई मिन्यूल ह्वलचिर हस्तान्तरण गरिएको छथरजोपाटी गाउँपालिका महिला तथा वालवालिका शाखा प्रमुख एलिना निरौलाले जानकारी दिनु भयो ।
साथै छुट भएका अन्य लाई समेत निकट भविष्यमै सहायक सामाग्री उपलव्ध गराउँने उहाँको भनाई थियो ।
हस्तान्तरण कार्यक्रमा छथरजोपाटी गाउँपालिकाका अध्यक्ष छत्रबहादु सुब्बा, गाउँपालिकाकी उपाध्यक्ष गिता गुरुङ्ग खेवा , करूणा फाउण्डेसन नेपाल धनकुटाका फिजियो थेरापिष्ट, सम्बन्धित वडाका वडा अध्यक्ष,सि.वि.आर सहजकर्ता,ओ.पि.डि. अध्यक्ष लगायत अन्य व्यक्तिको उपस्थितिमा रहेको जनाइएको छ ।
कार्यक्रममा करुण फाउण्डेसन नेपाल धनकुटाका फिजियो थेरापिष्ट मनिसा चौधरीले ह्वलचिर प्रयोग तथा संचालन बारे सहजीकरण गर्नु भएको थियो ।
तस्बिर एलिना भारद्धजको फेसबुक बाट
