५ औं धनकुटा महोत्सवको सम्पूर्ण तयारी पूरा
धनकुटा । भोलिदेखि धनकुटामा सञ्चालन हुने प्रादेशिक औद्योगिक व्यापार मेला तथा कृषी प्रदर्शनी, एभोकाडो एवम् ५ औं धनकुटा महोत्सवको सम्पूर्ण तयारी पूरा भएको छ ।
महोत्सव आयोजक धनकुटा उद्योग वाणिज्य संघले आज धनकुटामा पत्रकार सम्मेलन गरि महोत्सवको तयारी पूरा भएको जानकारी गराएको हो ।
पत्रकार सम्मेलनमा धनकुटा उद्योग वाणिज्य संघका अध्यक्ष विजय सन्तोषी राईले महोत्सवमा थप २ वटा स्टल थपिएर अब १ सय ८२ स्टल रहने बताउनु भयो ।
साथै राष्ट्रिय तथा स्थानिय कलाकारहरुको बेजोड सांगितीक प्रस्तुतीहरु पनि रहेने जनाईएको छ । पत्रकार सम्मेलनमा संघका पदाधिकारी सहित सञ्चारकर्मीको उपस्थिती थियो ।
