धनकुटा महोत्सव स्थलमा तनाव,दर्जन बढि घाइते
धनकुटा । धनकुटामा चलिरहेको औद्योगिक ब्यापार मेलामा आज ठेलामठेल हुदा १० जना घाइते भएका छन् । एकजना बच्चा गम्भीर घाइते भएको धनकुटाका प्रहरी उपरीक्षक लक्ष्मीप्रसाद अधिकारीले बताए ।
महोत्सव स्थलमा प्रवेशद्वारमा भिड्भाड भएपछि झडप भएको हो ।गम्भीर घाइते ७ जनालाइ उपचारका लागि धरान पठाइएको छ । घाइतेहरुको पहिचान भएको छैन ।
उधोग बाणिज्य संघ धनकुटाले आयोजना गरेको महोत्सवमा साझको सांगीतिक कार्यक्रम हेर्न आएकाहरु घाइते भएका हुन । उनिहरु प्रमोद खरेलको प्रस्तुति हेर्न पुगेका थिए । बिस्तृत विवरण आउन बांकी..
यो पनि…
सिँचाइको विद्युत महसुल गाउँपालिकाले तिर्ने
लुम्बिनी, १४ माघ ।रुपन्देहीको एउटा गाउँपालिकाले कृषि मिटर जडान गरी विद्युत्को महसुल तिरिदिने निर्णय गरेको छ । जिल्लाको दक्षिणी क्षेत्र मर्चवारमा रहेको कोटहीमाई गाउँपालिकाले सिँचाइ समस्या समाधानका लागी सो निर्णय गरेको जनाएको छ ।
एउटामात्र मुख्य मिटर जडान गरी सिँचाइ प्रयोजनका लागि प्रयोग हुने सम्पूर्ण विद्युत् महसुल गाउँपालिकाले बेहोर्ने प्रतिबद्धतासहित विद्युतीय पूर्वाधार निर्माण गर्न नेपाल विद्युत् प्राधिकरण भैरहवा वितरण केन्द्रसँग गाउँपालिकाले माग गरेको छ । अधिकांश कृषियोग्य भूमिमा समस्या भइरहेको भन्दै सम्पूर्ण वडामा एकसय केभिएको ट्रान्सफर्मर तथा विद्युतीय लाइन विस्तार गर्न आग्रह गर्दै सिँचाइ प्रयोजनमा खपत हुने महसुल गाउँपालिकाले बुझाउने प्रतिबद्धता पत्रमा उल्लेख छ ।
कृषि क्षेत्र वृद्धि, विस्तार र सुधार ल्याउन तथा किसानलाई सिँचाइमा सहजीकरणका लागि लाग्ने सम्पूर्ण विद्युतीय महसुल गाउँपालिकाले नै तिर्ने निर्णय गरिएको गाउँपालिका अध्यक्ष बालकृष्ण त्रिपाठीले बताउनुभयो । कृषि क्षेत्रको वृद्धि–विकासका लागि सिँचाइ कार्यमा प्रयोग हुने सम्पूर्ण विद्युतीय महसुल गाउँपालिकाले नै तिर्ने निर्णय लुम्बिनी प्रदेशमै पहिलो हो ।
गाउँपालिका अध्यक्ष त्रिपाठीले भन्नुभयो, “सिँचाइलाई प्रयोग हुने विद्युत् महसुल गाउँपालिकाले तिर्ने निर्णय भए पनि विद्युत्को दुरुपयोग हुने सम्भावना रहेकाले त्यसलाई रोक्न गाँउपालिकाले प्रभावकारी संयन्त्रको व्यवस्था गर्नेछ ।” माघ ११ गते बसेको गाउँ कार्यपालिकाको बैठकले गाउँपालिकामा स्वीकृत भएका योजनामध्ये डिप ट्युवबेल, बोरिङ तथा ह्याण्ड पम्प जडान कार्यमा संलग्नबमोजिम तथा एम्बुलेन्स सेवा सञ्चालन कार्यविधि २०७९ समेत स्वीकृत गर्ने निर्णय गरेको छ ।
