पाख्रीवास ४ मा एक किशोर मृ’तावस्थामा फेला
धनकुटा । धनकुटाको पाख्रीवास नगरपालिका वडा नं ४ मा एक किशोर मृ’तावस्थामा फेला परेका छन् ।
मृ’त फेला पर्नेमा वर्ष १८ का सन्तोष तामाङ रहेको प्रहरीले जनाएको छ । उनि झु’ण्डिएको अवस्थामा मृ’त फेला परेको भन्ने संक्षिप्त जानकारी मात्र प्राप्त भएको जिल्ला प्रहरी कार्यालय धनकुटाको सञ्चार शाखाले जनाएको छ ।
घटनाको बारेमा थप जानकारी अनुसन्धानबाट मात्र खुल्ने जनाइएको छ । अनुसन्धानका लागि घटना स्थल सूरक्षित राखिएको र प्रहरी टोलि जाने तयारी भईरहेको जिल्ला प्रहरी कार्यालय धनकुटाका डिएसपी नरेन्द्र कुवरले जानकारी दिनुभयो ।
यो पनि…
दाउराको सट्टा ‘गुइँठा’
तुलसीपुर, ४ फागुन (रासस) ःदाङका प्रायः गाउँमा इन्धनका लागि ‘गुइँठा’ सुकाएको देखिन्छ । चौधरी समुदायमा यसको प्रयोग बढी हुने भए पनि अन्यको घर आँगनमा समेत गुइँठा देख्न सकिन्छ ।
दाउराको विकल्पमा गुइँठा प्रयोग गर्ने गरिएको तुलसीपुर–१२ कचिलाकी मिनकुमारी चौधरीले बताउनुभयो । “दाउरा लिन वन जान सकिन्न, यही गुइँठा र अलिकति दाउरा मिसाएर खाना पकाउँछौँ”, उहाँले भन्नुभयो, “गुइँठा सजिलो लाग्छ ।”
गाई, गोरु, भैँसी र राँगाको गोबरमा पसाल तथा भुस मिलाएर गुइँठा बनाउने गरिन्छ । गुइँठाले दाउराकै काम गर्ने भएकाले थारु समुदायले परम्परादेखि नै यसको प्रयोग गर्दैआएका छन् । पछिल्लो समय अन्य समुदायले पनि गुइँठा प्रयोग गर्ने गरेका छन् । अहिले गुइँठा बनाएर बिक्री गर्ने चलन बढेको छ । एक बिटा गुइँठा रु एक हजार पाँच सयदेखि रु दुई हजारसम्ममा बिक्री हुने गरेको कचिलाकै निर्मला चौधरीले बताउनुभयो ।
गुइँठाको खरानी खेतीपातीमा मलका लागि प्रयोग हुन्छ । “गुइँठामा पकाएको खाना मिठो हुन्छ”, तुलसीपुर–१२ का खुसीराम चौधरीले भन्नुभयो । खरानी बारीमा प्रयोग गर्दा कृषिजन्य वस्तुलाई किराबाट समेत जोगाउन सकिने उहाँको भनाइ छ ।
