नेकपा एमाले धनकुटा जिल्ला सचिवालय कमिटी सदस्य मनोज रायमाझी (सन्दिप)ले गरे पार्टी परित्याग
धनकुटा । नेकपा एमाले धनकुटा जिल्ला सचिवालय कमिटी सदस्य मनोज रायमाझी (सन्दिप)ले पार्टी परित्याग गरेको घोषणा गरेका छन् ।
पार्टीमा काम गर्दै जाँदा नेकपाको निरन्तरता भएको महसुष नभएको भन्दै विज्ञप्ति जारी गरी साधारण सदस्य समेत नरहनेगरी पार्टी परित्याग गरेको घोषणा गरेका हुन् ।
उनले विज्ञप्ति मार्फत आगामी दिनमा अझ शसक्त भई जनताको सेवामा समर्पित भई काम गर्ने प्रतिवद्धता समेत व्यक्त गरेका छन् । विज्ञप्तिमा लेखेका छन् ‘’आदणीय न्याय प्रेमी जन समुदाय म २०७४ सालको स्थानिय तह निर्वाचनमा नेकपा माओवादी केन्द्र बाट वडाध्यक्ष निर्वाचित भएर जनताको हितमा काम गर्दै आएको कुरा सर्वविदितै छ ।
ने.क.पा माओवादी र नेकपा एमाले वीच वाम गठवन्धन हुँदै पार्टी एकता भई नेपाल कम्युष्टि पार्टी नेकपा को विभिन्न जिम्मेवारी समालेर काम गर्दै आएको र नेकपा विभाजन पछि ने.क.पाकै निरन्तरता भनिएकाले म नेकपा एमालेमा प्रवेश गरी स्थानिय तह, प्रदेश र संघको निर्वाचनमा ईमान्दार पूर्वक आफ्नो भुमिका निर्वाह गरेको सबैमा जानकारी नै छ तर पार्टीका काम गर्दै जाँदा ने.क.पा को निरन्तरताको महसुस गर्न सकिएन ।
त्यसैले आजको मितिबाट नेकपा एमाले पार्टीको साधारण सदस्य समेत नरहने गरी पार्टी परित्याग गरेको जानकारी गराउदछु ।
साथै आगामी दिनमा अझ शसक्त रुपमा जनताको सेवामा समर्पित भई काम गर्ने प्रतिवद्धता व्यक्त गर्दछु ।
