अखिल नेपाल महिला संघ धनकुटाको सातौ जिल्ला सम्मेलनबाट तारा तितुङको अध्यक्षतामा ४६ सदस्यीय नयाँ जिल्ला कमिटी गठन
धनकुटा । नेकपा एमाले निकट अखिल नेपाल महिला संघ धनकुटाको सातौ जिल्ला सम्मेलनबाट तारा तितुङको अध्यक्षतामा ४६ सदस्यीय नयाँ जिल्ला कमिटी गठन गरिएको छ ।
धनकुटामा सोमबार सम्पन्न नेपाल महिला संघ धनकुटाको सातौ जिल्ला सम्मेलनबाट गठित कमिटीको उपाध्यक्षमा निर्मला ईवाहाङ, रेखा चेम्जोङ, सचिव सावित्रा राई,उपसचिव गोमा कार्की, र कोषाध्यक्ष सीता थापा पराजुली रहेको नेकपा एमाले जिल्ला पार्टी उपसचिव तथा जनसंगठन विभाग प्रमुख शिव आङलाले जानकारी दिनुभयो ।
सिमा राईको अध्यक्षतामा सञ्चालित सातौ सम्मेलनको प्रमुख अतिथि अखिल नेकपाल महिला संघ केन्द्रीय कमिटी सचिव तथा प्रदेश १ ईन्चार्ज मेनुका काफ्ले , विशेष अतिथिहरु नेकपा एमाले पार्टीका केन्द्रीय सदस्य जिल्ला सहईन्चार्ज सकुन्तला बस्नेत , केन्द्रीय सदस्य विनादेवी राई , पार्टीका जिल्ला अध्यक्ष ईन्द्रमणी पराजुली, प्रदेश कमिटी सदस्य यज्ञकुमारी रुचाल , अखिल नेपाल महिला संघका जिल्ला ईन्चार्ज रामकुमारी राई , अतिथिहरु प्रदेश कमिटी सदस्य जिल्ला कमिटी सचिवालय सदस्यहरु, नगर अध्यक्ष जिल्ला कमिटी सदस्यहरु , विभिन्न जनसंगठनका प्रमुख लगायतका अतिथिहरुको उपस्थित थियो ।
यो संघले महिलाहरु हकअधिकारका लागि विभिन्न खाले विभेदकारी कानुन संशोसधनका लागि पहलकदमी गर्ने, महिलाहरुको नेतृत्व तथा सीप विकासका लागि विभिन्न कार्यक्रमहरु गर्ने गर्दछ ।
