नेकपा एमालेको मिशन ग्रासरुट अन्तर्गत धनकुटा जिल्लाको सातवटै पालिकामा पालिका स्तरिय भेला सम्पन्न
धनकुटा । नेपाल कम्युष्टि पार्टी (नेकपा एमाले)को मिशन ग्रासरुट (पार्टी सुदृढीकरण तथा विस्तार अभियान) अन्तरगत धनकुटा जिल्लाको सातवटै पालिकामा पालिका स्तरिय भेला सम्पन्न भएको छ ।
अभियान अन्तरगत आज पार्टीको धनकुटा नगरकमिटीको आयोजनामा नगरस्तरीय कार्यकर्ता भेला गरि अभियान्ताहरुले अभियानको बारेमा जानकारी गराएका छन् ।
नगर कमिटी अध्यक्ष अर्जुन छाराहाङको अध्यक्षता तथा पार्टीका केन्द्रीय सदस्य एवं धनकुटा नगरको प्रमुख अभियान्ता जीवन घिमिरेको प्रमुख आतिथ्यमा सम्पन्न भेलामा यो अभियानले पार्टीको सदस्यता नविकरण र विस्तार मार्फत आधारभुत तहमा पार्टी सदस्यहरुको बास्तविक तथ्यांक,उनिहरुको अवस्था पालिका,वडा,टोल कमिटीको क्रियाशिलता सहित समग्रमा यथार्थ जानकारी हुने, नेता कार्यकर्ता बीच एवम् पार्टी र जनता बीचको सम्बन्ध थप घनिष्ठ बनाउने, स्थानिय तहमा उत्पन्न हुन सक्ने अन्तरविरोधको पहिचान र समाधानको ठोस विकल्पवारे सिफारिस प्राप्त हुने जानकारी दिईएको छ ।
त्यस्तै पार्टी कमिटी र जनप्रतिनीधि बीचको सम्बन्धवारे बैचारिक राजनीतिक र संरचनागत स्पष्टता हाँसिल हुने,स्थानिय तहका जनप्रतिनीधिहरको भूमीका थप प्रभावकारी बनाउने,सम्भावना युक्त नयाँ पुस्ताको पहिचान गर्ने,पार्टी अनुशासित र एकतावद्ध हुने, संगठनात्मक व्यवस्था सुदृढ गर्ने अभियानको उद्देश्य छ ।
अभियानको बारेमा अभियान्ता घिमिरे सहित प्रदेश कमिटी सचिवालय सदस्य उज्वल किराँती,जिल्ला पार्टी अध्यक्ष ईन्द्रमणी पराजुली,प्रदेश सदस्य टंक चौहान,मदन बसेल लगायतले जानकारी गराएका थिए ।
फागुन ५ गते देखी शूरु गरिएको यो अभियान अब जिल्लाको ७ वटै पालिकाको ६० वटै वडा,टोल पार्टी जनवर्गीसंगठन सहित घरघरमा सञ्चालन गरिने नेकपा एमाले सचिवालय सदस्य तथा प्रचारप्रसार तथा प्रकाशन विभाग प्रमुख सावित्रा राईले जानकारी दिनुभयो ।
