पाख्रिबासमा ‘जेष्ठ नागरिकहरुलाई दन्त उपहार कार्यक्रम’ संचालन हुने
धनकुटा । धनकुटाको पाख्रिबास नगरपालिकामा पूर्ण वा आंशिक दाँत नभएका जेष्ठ नागरिकहरुका लागि “जेष्ठ नागरिक दन्त उपहार कार्यक्रम” संचालन हुने भएको छ ।
पूर्वान्चल डेन्टल हस्पिटल इटहरी, सुनसरीद्वारा गत माघ २८ गते पहिलो चरणको दाँत नाप जांच गरि लगिएको र ति दाँतहरुलाई मर्मत गरिसकेको हुनाले उक्त दांत जडान गर्नु पर्ने हुँदा पहिलो चरणमा आउनु भएका जेष्ठ नागरिकहरुलाई उक्त दांत जडान गरिने भएको नपाद्वारा जारी सूचनामा उल्लेख ।
कार्यक्रम यही फागुन १६ गते बुधवारका दिन पाख्रिबास नपा कार्यालयमा दिनको ११ बजेबाट सुरु हुने पनि सूचनामा उल्लेख छ ।
