धनकुटा नगरपालिका भित्रका सहकारीको ऋण नतिर्ने ऋणी सदस्यको विवरण नबुझाउने संचालक समितिलाई कारबाही गरिने
धनकुटा,२ साउन । धनकुटा नगरपालिकाले धनकुटा नगरपालिका भित्र संचालनमा रहेका सहकारीको समयमा ऋण नतिर्ने ऋणी सदस्यको तीन पुस्ते विवरण नबुझाउने संचालक समितिलाई समेत कानुन बमोजिम कारबाही हुने जनाएको छ ।
सहकारी संस्थाका ऋणी सदस्यहरुले सहकारी संस्थालाई सर्त अनुसार बुझाउनु पर्ने रकम नबुझाएको कारण संस्थामा समस्या भएको भन्दै गुनासो आउन थाले पछि सहकारीको समयमा ऋण नतिर्ने ऋणी सदस्यको तीन पुस्ते विवरण सहकारी संस्था संग माग गरिएको र उक्त प्रकारका सदस्यहरको विवरण नबुझाइ आगामी दिनहरुमा सदस्यको बचत फिर्तामा समस्या भएमा सहकारी संस्थाका संचालक समितिलाई कानुन बमोजिम कारबाही हुने धनकुटाका नगरपालिकाका प्रमुख प्रशासकिय अधिकृत दशरथ राईद्धरा जारी गरिएको विज्ञप्तीमा जनाइएको छ ।
नगरपालिकाले ऋण तिर्न अटेर गर्ने ऋणी सदस्य लाई पालिकालको सहकारी ऐन वमोजिम कारबाही अघि बढाउन त्यस्ता ऋणी सदस्यको तीनपूस्ते विवरण संस्थाको संचालक समिती बाट निर्णय गरी साउन १५ गते सम्ममा पठाइ सक्नु पर्ने नगरपालिकाको भनाई छ ।
