पाख्रीबास मेयरकप फुटबल फागुन ४ गतेदेखि
धनकुटा । धनकुटाको पाख्रिबास नगरपालिकामा मेयर कप फुटबल भोलि फागुन ४ गतेबाट संचालन हुने भएको छ ।
प्रतियोगिता नपाको आयोजनामा फागुन ४ देखि ७ गते सम्म संचालन हुने भएको हो । खेल जालपादेवी माध्यमिक बिद्यालयको खेल मैदानमा हुनेछ ।
भोलि उद्घाटन खेल समूह “क” बाट वडा नं ९ र ३ का बिच दिनको १ बजे हुनेछ ।
त्यस्तै खेलको दोस्रो दिन फागुन ५ गते समूह ‘ख’ अन्तर्गतका वडा नं ६ र १० का बिच बिहानको १० बजे र दोस्रो खेल समूह ‘क’ अन्तर्गतका वडा नं ५ र ८ का बिच दिनको १ बजे र तेस्रो खेल समूह ‘ख’ अन्तर्गतका वडा नं ४ र ७ का बिच दिनको ३ बजे खेल हुनेछ ।
प्रतियोगितामा नपाका १० वटै वडाको सहभागिता रहने छ । प्रतियोगिताको अन्तिम खेल उपाधिका लागि फागुन ७ गते हुनेछ ।
प्रतियोगितामा विजेता टीमलाई प्रथम पुरस्कार नगद रु. १ लाख सहित ट्रफी, मेडल र प्रमाणपत्र र दोश्रो पुरस्कार नगद रु. ५० हजार सहित ट्रफी, मेडल र प्रमाणपत्र प्रदान गरिने वडा नं ३ का वडा अध्यक्ष,नपाका प्रवक्ता तथा मेयर कप फुटबल ब्यावस्थापन एवं सहजिकरण समितीका संयोजक सरोज राईले जानकारी दिनु भयो ।
