यसरी भयो पाख्रीबास मेयरकपको उद्घाटन(फोटो फिचर)
धनकुटा,फागुन ४ । धनकुटाको पाख्रिबास नगरपालिकामा मेयर कप फुटबल आजबाट सुरु भएको छ ।
कार्यक्रमका प्रमुख अतिथि पूर्व मन्त्री तथा संघिय सांसद राजेन्द्र कुमार राईले पानसमा बत्ती बालेर खेलको औपचारिक रुपमा उद्घाटन गर्नु भएको थियो ।
आज उद्घाटन खेल समूह “क” बाट वडा नं ९ र ३ का बिच जारी छ भने भोलि खेलको दोस्रो दिन फागुन ५ गते समूह ‘ख’ अन्तर्गतका वडा नं ६ र १० का बिच बिहानको १० बजे र दोस्रो खेल समूह ‘क’ अन्तर्गतका वडा नं ५ र ८ का बिच दिनको १ बजे र तेस्रो खेल समूह ‘ख’ अन्तर्गतका वडा नं ४ र ७ का बिच दिनको ३ बजे खेल हुनेछ ।
प्रतियोगितामा नपाका १० वटै वडाको सहभागिता रहने छ । प्रतियोगिताको अन्तिम खेल उपाधिका लागि फागुन ७ गते हुनेछ ।
प्रतियोगितामा विजेता टीमलाई प्रथम पुरस्कार नगद रु. १,००,०००/-, ट्रफी, मेडल र प्रमाणपत्र र दोश्रो पुरस्कार नगद रु. ५०,०००/-, ट्रफी, मेडल र प्रमाणपत्र प्रदान गरिनेछ ।
वडा नं ३ का वडा अध्यक्ष,नपाका प्रवक्ता तथा मेयर कप फुटबल ब्यवस्थापन एवं सहजिकरण समितीका संयोजक सरोज राईको अध्यक्षतामा सम्पन्न औपचारिक उद्घाटन कार्यक्रममा वडा नं ४ का वडा अघ्यक्ष सन्तोष मानन्धरले स्वागत मन्तब्य राखेका थिए ।
