धनकुटाको हिले बजारमा होली विशेष सांस्कृतिक कार्यक्रम सम्पन्न(फोटो फिचर)
धनकुटा,२९ फागुन । धनकुटाको हिले बजारमा होली विशेष सांस्कृतिक कार्यक्रम सहित होली पर्व मनाइएको छ ।
द एलिट क्लबको आयोजनामा भएको सास्कृतिक कार्यक्रममा हिले बजारमा रहेको विभिन्न स्थानीय ब्यान्ड र डिजे अननोन धरानको प्रस्तुति रहेको थियो । द चिज हेड व्यान्ड , जिराे ग्राभिटिले प्रस्तुति राखेका थिए । डिजे अनाेन धरान र पाहुना व्यान्ड डिजे नब अफ दुबै कालेले होली मनाउन उपस्थित सम्पूर्णलाई दर्जन भन्दा बढी सांगीतिक प्रस्तुति प्रस्तुत गर्दै मनाेरञ्जन गराएका थिए ।
सोही अवसरमा आयाेजक टिमले सञ्चालन गरेको मट्का फुटाउने प्रतियोगिता सुजन बस्नेतले जितेको आयाेजक क्लबका अध्यक्ष विशाल तितुङले जानकारी दिनुभयाे । सुजन बस्नेतलाई रु १ हजार नगद पुरस्कार प्रदान गरिएको आयाेजकले जनाएको छ ।
उक्त होली विशेष सास्कृतिक कार्यक्रम सम्पन्न गर्नका लागि स्थानीय सरकार , हिले बजारमा रहेको विभिन्न उद्योग व्यावसायीहरुले सहयोग गरेका छन् ।
