सिराहालाई हराउँदै युनाईटेड झापा सेमी फाईनलमा
देव याखा/(चौबिसे)धनकुटा । सिराहाको सलहेस युथ क्लबलाई ट्राईब्रेकरमा हराउँदै बिर्तामोड युनाईटेड क्लव झापा १२ औं रारा गोल्डकप फटबल प्रतियोगिताको सेमी फाईनलमा प्रबेश गरेको छ ।
धनकुटाको चौबिसे गाउँपालिका स्थित राजारानीको पुण्य उच्च मा.बि.को खेल मैदानमा बुधबार भएको तेस्रो क्वाटर फाईनल खेलमा सिराहालाई १ का बिरुद्ध २ गोलले हराउँदै झापा बिजयी भएको हो ।
निर्धारित समयमा दुबै तर्फबाट कुनै गोल हुन नसकेपछि खेल पेनाल्टी सुटआउट(ट्राईबेकर) मा गएको थियो ।
ट्राईबेकरको प्रारम्भिक दुबै तर्फको ३÷३ गोल दबै तर्फका गोल रक्षकले रोकेका थिए । त्यसपछि चौथो गोल दुबै तर्फका खेलाडीहरुले १÷१ गोल गरेका थिए । ट्राईबेकरको अन्तिम तथा पाँचौ गोल झापाले गरेर पनि सिराहाले प्रहार गोल हुननसके पछि झापा बिजयी भएको हो ।
जीतका लागि झापाका खेलाडीहरु आषिश चापागाईं र बिक्रम तामाङले गोल गर्नुभएको थियो । सिराहाका तर्फबाट एक मात्र गोल आदित्य शाक्यले गर्नुभयो ।
खेल अवधिको म्यान आफ दि म्याच बिजेता टोलीका गोल रक्षक अभिषेक बराल हुनभयो । उहाँलाई खेलका प्रमुख अतिथी तथा पूर्व शान्ति मन्त्री रकम चेम्जोङले नगद ७ हजार ५ सय सहित ट्रफी प्रदान गर्नुभएको थियो ।
भोली हुने अन्तिम क्वाटर फाईनल खेल चर्च ब्याईज युनियन काठमाण्डौ र बाग्मती युथ क्लब सर्लाही बीच हुने आयोजक संस्था राजारानी फुटबल क्लव (रारा) का अध्यक्ष मणी चेम्जोङले जानकारी दिनुभयो ।
जेठ ४ गते सम्म हुने प्रतियोगितामा ८ वटा फुटबल टोलीको सहभागिता रहेको छ । बिजेता टोलीले नगद ७ लाख र उपबिजेताले नगद ३ लाख,रनिङ शिल्ड,प्रमाणपत्र र मेडल पाउनेछन् ।
चौबिसे गाउँपालिकाको संरक्षणमा भईरहेको यो प्रतियोगिता जिल्लाकै सबैभन्दा ठूलो धनराशी पुरस्कार भएको फुटबल प्रतियोगिता हो । (प्रशिक्षार्थी पत्रकार)
