धनकुटाका सबै पालिकाले ल्याए बजेट,कुन पालिकाको कति ?
धनकुटा, १२ असार । धनकुटाका सात वटै स्थानियतहले आगामी आर्थिक वर्षका लागि बजेट प्रस्तुत गरेका छन् । जस अन्र्तगत धनकुटाको महालक्ष्मी नगरपालिकाले आगामी आर्थिक वर्ष २०८२÷८३ का लागि ८१ करोड २७ लाख १६ हजार बराबरको बजेट सार्वजनिक गरेको छ ।
नगरपालिकाले संघिय सरकारको तर्फ बाट प्राप्त ७० करोड ५९ लाख ८३ हजार प्राप्त हुने अनुदान तथा राजश्व बाडफाँड, प्रदेश सरकार बाट प्राप्त हुने अनुदान तथा राजश्व बाडफाँड ४ करोड ७२ लाख ३३ हजार र नगरपालिकाको आन्तिरक आम्दानी बाट प्राप्त हुने ५ करोड ९४ लाख ९९ हजार गरि ८१ करोड २७ लाख १६ हजार बराबरको बजेट सार्वजनिक गरेको हो ।
धनकुटा नगरपालिकाले १ अर्ब १२ करोड २५ लाख बराबरको बजेट पारित गरेको छ । जसमध्ये ५३ करोड ७० लाख ३३ हजार चालु खर्च र ५८ करोड ५४ लाख ८९ हजार पुजिँ तर्फ विनियोजन गर्दै बजेट प्रतुत गरिएको धनकुटा नगरपालिकाका आर्थिक विकास अधिकृत विकास अधिकारीले जानकारी दिनु भयो ।
त्यस्तै पाख्रिवास नगरपालिकाले ५७ करोड ५८ लाख २२ हजार बराबरको बजेट सभामा प्रस्तुत गरेको छ ।
सहिदभूमी गाउँपालिकाले कुल ४८ करोड ७० लाख ५२ हजार बराबरको बजेट ल्याएको प्रमुख प्रशासकिय अधिकृत सुर्य भण्डारीले जानकारी दिनु भयो ।
छथर जोरपाटी गाउँपालिकाले ४४ करोड ९७ लाख ८४ हजारको बजेट ल्याएको गाउँपालिका उपाध्यक्ष गिता गुरुङ्गले जानकारी दिनु भयो । त्यस्तै चौबिसे गाउँपालिकाले २१ करोड १६ लाख बराबरको बजेट ल्याएको छ ।
त्यस्तै साँगुरीगढीले पनि बजेट सार्वजनिक गरेको छ ।
