झापामा कुटपिटबाट दोस्रो किशोरको मृत्यु
झापा । झापाको शिवसताक्षी नगरपालिका–९ का १५ वर्षीय आदित्य तामाङको कुटपिटपछि बिएन्डसी अस्पतालमा उपचारका क्रममा मृत्यु भएको छ।
यसअघि सोही घटनामा घाइते भएका रोमन थापाको पनि मृत्यु भइसकेको थियो। ट्युसनबाट फर्कने क्रममा ध्रुवतारा स्कुलका केही विद्यार्थीहरूले आदित्यमाथि दोहोरो कुटपिट गरेका थिए।
घटनासँग सम्बन्धित ६ किशोरलाई प्रहरीले नियन्त्रणमा लिई अनुसन्धान गरिरहेको छ। दुबै परिवारले निष्पक्ष छानबिन र दोषीमाथि कडा कारबाहीको माग गरेका छन्।
