झापामा मोटरसाइकल र स्कुटर ठोक्किँदा दुई जनाको मृत्यु
झापा । झापा जिल्लाको बाह्रदशी गाउँपालिका–१ खैरबारीमा मोटरसाइकल र स्कुटर ठोक्किँदा दुई जनाको मृत्यु भएको छ।
बुधबार दिउँसो करिब ३:४० बजे भारतीय नम्बर प्लेटको मोटरसाइकल (BR 37 AZ 6440) र नेपाली नम्बर प्लेटको स्कुटर (प्रदेश १–०१–०१६ प ९२७०) एक आपसमा ठोक्किँदा गम्भीर दुर्घटना भएको हो।
दुर्घटनामा परी स्कुटर चालक कचनकवल गाउँपालिका–३ का ६० वर्षीय श्रीप्रसाद राजवंशीको उपचारका क्रममा मृत्यु भएको जिल्ला प्रहरी कार्यालय झापाले जनाएको छ। मोटरसाइकलमा सवार अर्का व्यक्तिको घटनास्थलमै मृत्यु भएको र उनको नाम ठेगाना खुल्न बाँकी रहेको प्रहरीले जनाएको छ।
दुर्घटनाबारे थप अनुसन्धान भइरहेको जिल्ला प्रहरी कार्यालय झापाले जानकारी दिएको छ।
