झापामा पर्खालले किचेर कामदारको मृत्यु
झापा । झापामा घरको कम्पाउण्डमा लगाएको पर्खालले किचेर आइतबार १ जना कामदारको मृत्यु भएको छ ।
भद्रपुर नगरपालिका–६ राधाकृष्ण टोलका इन्द्र राउतको घरको कम्पाउण्डमा लगाएको पर्खाल लडेर किच्दा ३५ वर्षीय लक्ष्मण कामतीको मृत्यु भएको झापा प्रहरीका प्रवक्ता डीएसपी खगेन्द्रबहादुर खड्काले बताए । उनका अनुसार घरधनी राउत सघन सहरी भवन निर्माण विभागको नालाको काम गर्दै आएका थिए ।
त्यस्तै, पर्खाले किचेर मृत्यु भएका कामती यज्ञ निर्माण एण्ड सप्लायर्स प्रा.लिले नालाको काम गर्न खटाएका कामदार हुन् । बिर्तामोड नगरपालिका–९ लक्कीबारी घर भएका कामती पर्खालले किचेर दिउँसो ४ बजेतिर गम्भीर घाइते भएका थिए ।
उपचारका लागि प्रदेशिक अस्पताल भद्रपुर पुर्याउनसाथ साँझ ५ बजेतिर चिकित्सकले मृत घोषित गरेको प्रहरीले जनाएको छ । डीएसपी खड्काले घटनाको थप अनुसन्धान भइरहेको जनाए ।
