मोरङको कोयलपुरमा भेटिएको शवको पहिचान अझै खुल्न सकेन
मोरङ । मोरङको बुढीगंगा गाउँपालिका–६ को कोयलपुरस्थित नहर नजिकको झाडीभित्र गत शनिबार अपराह्न नग्न अवस्थामा भेटिएको युवतीको शवको पहिचान अझै खुल्न सकेको छैन।
शव सडेको अवस्थामा फेला परेको थियो र पहिचानका लागि मोरङ प्रहरी निरन्तर अनुसन्धान गरिरहेको छ।
प्रहरीका अनुसार, शवसँग पाइएको लुगा र झुम्काको आधारमा युवतीको पहिचान गर्ने प्रयास गरिरहेको छ। तस्बिरमा देखिएका लुगा र झुम्कालाई चिनेका व्यक्तिहरूलाई प्रहरी वा पीडितको परिवारलाई जानकारी दिन आग्रह गरिएको छ।
यस घटनाको अनुसन्धान जारी राखिएको छ, र प्रहरीले घटनाको पूर्ण सत्यतथा पत्ता लगाउने प्रयासमा छ।
