धनकुटामा लामखुट्टेको लार्भा खोजेर नष्ट गर्ने अभियान
धनकुटा, ३० साउन । डेङ्गी रोगको संक्रमण बढ्दै गएपछि धनकुटामा लामखुट्टेको लार्भा खोजेर नष्ट गर्ने अभियान चलाइएको छ ।
स्वास्थ्य कार्यालय धनकुटाको समन्वयमा जिल्ला प्रशासन, प्रहरी, नगरपालिका र स्थानीयको सयुक्त टोलीले बजार क्षेत्रका गाडी, मोटरसाइकल मर्मत केन्द्र र घर घर पुगेर अनुगमन सुरू गरेको हो । चिकित्सकसहितको टोलीले पानी जम्ने भाँडा, टायर, गमला, ट्याङकी आदीमा पाइएका लार्भा नष्ट गर्न निर्देशन दिएको छ ।
धनकुटा अस्पतालमा दैनिक १० जना डेङ्गी संक्रमित बिरामीहरू भर्ना हुने गरेको जिल्ला अस्पताल धनकुटाका प्रमुख सन्तोष राइको भनाइ छ । एडिस एजिप्टाइ प्रजातीको संक्रमित लामखुट्टेको टोकाईबाट मानिसमा सर्ने चिकित्सकहरुको भनाइ छ ।
