धनकुटामा रक्तदान
धनकुटा, ६ भदौ । ब्रहमाकुमारी राज योग सेवा केन्द्र र धनकुटा समाज सेवा प्रभागले विश्व बन्धुत्व दिवसको अवसरमा आयोजना गरेको रक्तदान कार्यक्रम सम्पन्न भएको छ ।
पूर्व प्रमुख प्रशासिका दादी प्रकाशमणी ज्युको १८औं पुण्यतिथिको स्मरणमा रक्तदान कार्यक्रम आयोजना गरिएको हो ।
“रक्तदान गरौँ, जीवन बचाऔँ” भन्ने मूल नारासहित आयोजित कार्यक्रममा विभिन्न सामाजिक संघसंस्था, स्थानीय निकाय तथा स्वास्थ्य संस्थाहरूको सक्रिय सहकार्यमा ६८ जनाले रक्तदान गरेको आयोजक संस्थाले जनाएको छ ।
